Yaşından və cəkisindən asılı olmayaraq Şəkərli diabet tip 1 və tip 2 hər yaşda rastlana bilər.
Şəkərli diabet tip 1 – genetik autoimmun xəstəlikdi və daha çöx uşaqlarda və gənclərdə rast olunur və səbəbi mədəalti vəzin lazımi qədər insulin ifraz etməməsidi.
Şəkərli diabet tip 2- daha cox risk faktorları üzərində, piylənmə, artıq cəki, arterial hipertenziya, dislipidemiya fonunda yarana bilər və səbəbi ifraz olunan insulini orqanizmin lazımınca istifadə edə bilməməsidi.
İnsulin şəkəri tənzimləyən hormondu.
Son zamanlarda uşaqlarda və gənclərdə Şəkərli diabet tip 2 tez-tez rast olur. Bunun da səbəbi hipodinamiya fonunda yüngül mənimsənən karbohidratların və qənnadı məmulatlarının ifrat dərəcədə qəbulu, qida rejimində fastfudlara üstünlük verilməsi və bunun da nəticəsi kimi uşaqlarda piylənmənin geniş yayildığıni müşahidə edirik.
Şəkərli diabet haqqında demək olar ki, deyilməyən söz qalmayıb. Lakin hec də deyilənlərin hamısı həqiqəti əks etdirmir. Yalnış olan deyimlərin səbəbindən insanlar bu xəstəliyin ağırlığını qəbul edib müalicəsi ilə məşğul olmaq istəmirlər. Hər bir insanın sağlamlığı onun özü ücün maraqlı olmalıdır . Həkim ancaq köməkci ola bilər.
Ən Çox Verilən Suallar
Əgər xəstə dərman qəbul edirsə və yaxud insulin vurursa hər şey yeyə bilər? Cavablandırma: müalicənin növündən asılı olmayaraq yüngül mənimsənən karbohidratlar ( qənd, şəkər tozu, mürəbbələr, meyvə şirələri, şirin qazlı içkilər, şirin meyvələr, quru meyvələr) istifadə edilməməlidir, çörək, xəmir və qənnadı məmulatlarının qəbulu məhdudlaşdirilmalıdır.
Şəkərli diabet ancaq artıq çəkili insanlarda olur? Cavablandırma: Şəkərli diabet hər bir çəkidə olan insanlarda rast gəlir
Şəkərli diabet tip 2-də insulin vurmaq lazım deyil, çünki mədəaltı vəz insulin ifraz edir Cavablandırma: insulin ifrazı saxlanılıb, lakin aydın olmayan səbəblərdən toxumalar tərəfindən mənimsənmir, tədricən insulin ifrazı azalır və xəstənin həyat keyfiyyəti pisləşir. Bu zaman insulinterapiya yeganə müalicə növüdür..
İnsulin asılılıq yaradır Cavablandırma: çox bir hallarda infarkt, insult, cərrahi əməliyyatlar zamanı müvəqqəti insulin təyin edilir, sonradan xəstələr yenidən peroral dərmanları davamlı qəbul edirlər
Bəzi qida növləri şəkərin səviyyəsini salır Cavablandırma: Heç bir qida şəkəri salmır. Qlikemik indeksdən asılı olaraq qidalar ya şəkərə təsir etmir və yaxud cuzi artıra bilir
Şəkərli diabeti olan qadınlar dünyaya uşaq gətirə bilməzlər Cavablandırma: Diabeti olan qadınlar hamiləlikdən əvvəl şəkəri tam tənzimləyərək və sonradan ona mükəmməl nəzarət edərək tam sağlam övladlara sahib ola bilərlər
Şəkərli diabetıi tam müalicə etmək mümkündü Cavablandırma: Şəkərli diabet autoimmun xroniki xəstəlik olduğu üçün tam müalicəsi mümkün deyil